▪️راية حداده▪️

نعي
حدي
او الجفيري


نشرت قميصه فاطمه
احمر وراوي بالدمه
صدر وضلعها لاطمه
راية حداده ناشره
———
تعلن عزيه للحسين
ولاخوانه وإلباقي البنين
بالدمعه والهم والونين
راية حداده ناشره
———
ياشيعه من هل الشهر
دموع الزچيه كالنهر
صاحت يمحزوز النحر
رايه حداده ناشره
——-
تعلن عزيه بالسمه
واعليه صدرها لاطمه
ادموع الملايك ساچمه
راية حداده ناشره
———-
وين اليساعدني تقول
بالونه والدمعه الهمول
اشفعله وامراده ينول
راية حداده ناشره
———
لا فاتحه ولا شيعوه
ولا چفنوه اولا ادفنوه
ابحر الشمس عاري اطرحوه
راية حداده ناشره
———
وين اليرويله ضماه
وايون على وني معاه
ناصب عزيه والنعاه
راية حداده ناشره
———-
بنت الشمري
٢٠٢٤

كوريز
لليوم الاول من محرم


قال العلاّمة الشيخ محمد السماوي رحمه الله تعالى : أخبرني الشيخ الفاضل التقيّ الشيخ محمد رضا النجفي الغراوي ، قال : اتّفق لي سنة 1353 أني نظمت موشّحة في نصف شعبان في تهنئة بولادة الحسين(عليه السلام) في أول شعبان من تلك السنة لنذر كان عليَّ
وابتدأت بذكر الولادة المباركة ، فرأيت في المنام السيّدة الزهراء صلوات الله عليها ، وأمامها طفل صغير عليه ثياب سود ، فقالت لي : لا تمدح ابني في تهنئة الميلاد ولكن ارثه وقل :
بأبي المقتولَ غمّاً بالظما ماله ريٌّ سوى فيض الدِّما
منعوا قُرَّةَ عيني وِرْدَه عجباً مَهْرِي عليه حُرِّما
———
الزهراء عليها السلام في يوم مولده ترثيه فكيف حالها حين يقبل محرم وترى بعينيها مصائب ولدها عليه السلام

راوي ييمه ابفيض إلدموم
مهري الفرات ومنّه محروم
اعليك الدمع من دمي مسچوم
وقلبي بمصابك يمه ملچوم


لادمع الأهله وبيه اروّيك
يشلع دليلي يمه طاريك
ريت المصايب بيّه مو بيك
ليّه الذبح والعطش مو ليك

محروم يمه لذة الماي
اشرب يغالي ادموع عيناي
ريت الدمع يحسين روّاي
لاجريه كل عمري ولا امل

—————
بنت الشمري
٢٠٢٤/٥/٢٨

#جديد
#گوریز #الخروج

- یقول العلامة الشيخ حسين بن محمد البحراني في كتابه الفوادح الحسينية ص ٦٦ : فواحسرتاه على آل الرسول ووا أسفاه لظلم آل البتول كم تجرعوا من الأهوال أهوالاً لا تطاق وتحملوا شدائد من أهل الغدر والنفاق حتى أدى الحال إلى ذهاب النفوس وقطع رأس رئيس الرؤوس فلقد أصيب بمصابه الدين وحزن من أجله سيد المرسلين ونعاه من فوق سبع الطباق جبرائيل الأمين وما زال صلوات الله عليه طريدة للملاعين حتى لم يقر له بهذه البسيطة قرار ولم يحمه الإلتجاء إلى بين الله والجوار بل زعموا على سفك دمه الشريف بين الركن والمستجار فإنا لله وإنا إليه راجعون فعلى الديار بعدهم العفا والدمار ....

مجاريد :

ماله مچان اليلتجيله
ضاگت عليه او ماله حيله
حل الإحرام وسار ليله
لطف كربله وماخذ العيله

سار بهله ويّه النساويّّــن
طلعة مهابة آل ياسين
ويحدي الضعن عباس الإحنين
واعيونه ترعاهم ابكل حين

ويدري عگب عينه بالضعون
لديرة غرب بالغصب يمشون
بسبي العده تاليها يرحون
ومنهم لو جرت يا ويلي لعيون
ايجرهم زجر وايطگ الإمتون


أبوذية :

وعينه ..
گلب عباس على اضعونه وعينه
يمين احسين ابو فاضل وعينه
العذر لو طاحن اچفوفه وعينه
وعگب عينه خذوا اخته سبيه
___
#فاطمة_كريم
٢٠٢٤ م
https://www.tg-me.com/qasaidfk128

#جديد
#الخروج
#گوريز
.
.
- بعد توديع الحسين عليه السلام لقبر جده صلى الله عليه وآله ، عرج على قبر أمه فاطمة عليها السلام ، فإذا النداء من القبر : (( السلام عليك يا قتيل الأم ، السلام عليك يا مظلوم الأم ، السلام عليك يا شهيد الأم ، السلام عليك يا روح الأم ، لا يداخلك هم وغم، فإن الله سيفرج عني وعنك ، ويأخذ لي بثأرك )) مدينة المعاجز ج 4  ص 128 .


مجاريد :

يا مظلوم يبني ونور عيني
يالبيــك يبنــي فاجعيــني
واعليك ما يبطل ونينـــي
يامهجتي وثـــاني بنيــني

يا يمه عني تمشي واتروح
وابكربـله ألگــاك مذبـوح
ودمك على التربان مسفوح
وعنك يسيره زينب اتروح

يا يمه واگعد وأبچي يمك
وشيبي أصبْغه ابفيض دمك
وأنعاك يا يمــــه وأكلـــــمك
وأگلك گوم يبني وشوف أمك

أندهلك ابدمعه جريه
واشلون يبني اترد عليه
وجسمك يَيُمه بين إديّه
وراسك مشه عالسمهريه



طور : الجفيري + يم الولد + يا كربله وطر الفجر


آنه الزچيه فاطمه
باچر أجي بالملحمه
حين التغطيك الدمه
ومحد يِحضرك يا حُسين

لو طحت يُمه عالصعيد
دامي يَمحبوبي ووحيد
ومحد يمدد لك الإيد
ابساعة المقتل يا حُسين

آنه أجيك وأحضرك
من يحز نحرك أنظرك
بثنعش ضربه ايطبّرك
ايدي اعله نحرك يا حُسين

عالرمح راسك من يشيل
دمعي مع دمك يسيل
وألطم وأصرخ يا قتيل
ذبحوك يبني يا حُسين

وأنعه عليك ابحرگتي
ومن دمك أصبغ شيبتي
ومن دم أهلها دمعتي
كل عمري أبچي يا حُسين
___
تمت ببركات مولاتي الزهراء عليها السلام
#فاطمة_كريم
٢٠٢٤ م

https://www.tg-me.com/qasaidfk128

نعي في خروج الإمام الحسين عليه السلام بين العباس واخته زينب عليهما السلام
جديد

● طور : لحظة يخويه انتظر ( الجفيري )

زينب يحاجيها القمر
ودمعه على خده همل
قومي يَحره بالعجل
بالكعبه يا زينب نطوف

حجي اشوفه الكربلا
ارض المنايا والبلا
اسمعها واتگلي هلا
بعيني منايانه تطوف

احرم يخيتي بالدرع
وزمزم ترى مني الدمع
بالعشره صوتي ينسمع
وبدري يغطيه الخسوف

امن العلگمي حتى الخيم
سعيي يازينب للحرم
وچفوفي فدوه للعلم
وعيوني عد خدرج تحوف


نادت يبو الغيره الوفي
منك عدونه يشتفي
وظله حنانك يختفي
وعيوني تنظركم تشوف

لَأحرم انا بثوب البتول
واتعنى وعيوني همول
صدره احب ابن الرسول
دلالي لفاده يروف

گلبه ومهجْته امفطره
شمر الخنا ايحز منحره
روحي تلبي امكبره
عاري إله ادري أعوف
___
بقلم : بنت الشمري

#جديد
#گوريز + #نواعي
#النزول_بكربلاء
.
.
عندما اضطرّ الإمام الحسين(عليه السلام) للوقوف في منطقة كربلاء، راح (عليه السلام) يسأل، وكأنّه يبحث عن أرض كربلاء، فقال: «مَا اسْمُ هَذه الأرض»؟ فقيل له: أرض الطف.فقال(عليه السلام): «هَلْ لَهَا اسمٌ غير هذا»؟ قيل: اسمُها كربلاء، فقال(عليه السلام): «اللّهمّ أعوذُ بك من الكَرْبِ والبَلاء».ثمّ قال(عليه السلام): «هَذا مَوضع كَربٍ وبَلاء، انزلوا، هَاهُنا مَحطُّ رِحالِنا ومَسفَكُ دِمائِنَا، وهَاهُنا مَحلُّ قبورِنا، بِهَذا حدّثني جَدِّي رسول الله(صلى الله عليه وآله)» فنزلوا جميعاً. اللهوف في قتلى الطفوف ص ٤٩


مجاريد :

حين الوصلها وسأل عنها
اتعوَّذ الوالي والله منها
ناده الحرم حطوا ضعنها
هذي كربله وهذي محنها
موعود بيها وابسكنها
والواقعه اتحل ابوطنها
وكل والده اتودّع ابنها
واهنا مذابحنه وحزنها
واجسومنه يصبح دفنها


طور : يا ليل طول ساعاتك

هاليوم .. للطف وصلنه
هاليوم .. بيها نزلنه

وبيها نبني لخيام
وللعاشر ظل أيام
_

هاليوم .. بالطف حلينه
وباچر .. شنهو ايراوينه

آلام نشبع آلام
واعلينه اتشب اخيام
_
هاليوم .. مِلتم شملنه
وباچر .. مذبوحه أهلنه

وعنهم للكوفه انروح
وعالگاع يبگه المذبوح
_
هاليوم .. ابهيبة ضعننه
وباچر .. نِتسّر كلنه

ونمشي اعله نوگ اتميل
وأهلي تِرِضها الخيل


طور : لفى عاشور + أطوار البحر الطويل

نزل ضعن الغريب حسين .. بالطف محله نزلتهم
وابهيبة بني هاشـــم .. تِـــرف محـــلاها رايتهم

على روس الخيم رفّت .. بأمان الكافل وزوده
يمينه الكوثر الصافي .. يسقيهم نبع جوده
وزينب تدعي كل لحظه .. تظل هاللمّه موجوده
وعسه ابعيد البله عنهم .. وتظل يا ربي جمعتهم

وعسه لا يِگْرَب العاشر .. ولا يدنه أبد يومه
ولا ابهاي الأرض أنظر .. كفيلي تنزف ادمومه
ولا ابعيني أشوف حسين .. دَمَّه ايغطي اهدومه
ولا فوگ الترب صرعى .. وأشوف بعيني ذبحتهم
______
#فاطمة_كريم
٢٠٢٤ م


https://www.tg-me.com/qasaidfk128

نعي
في نزول كربلاء


#مجردات

حين الوصلها دار إلكروب
وسدوا عليهم كل الدروب
ناده ودمع العين مسچوب
اهنا نَزِلْنَه وهذا مكتوب
منها المنيه وماكو مهروب
اهنا ذبحنه ودمنه مطلوب
والله و وليكم ثوبه مسلوب
كل المهج عطشانه واتذوب
واهنا طفلنه ايهيم مرعوب
ايشوف المخيم نار ملهوب
————
#حدي
حين الوصلنه إلكربله صاح الولي هذا النزل
واهنا محط ارحالنه وموضع ذبحنه والچتل
بدمانه تروى هالارض ولقبورنه هذا المحل
————
#مجردات

لسان حال السيده زينب حين نزول كربلاء

وكأني بها تقول

ابهيده يروحي ولاتونين
خافن يسمعه اونينج حسين
يفطّر دليله وگلب إلحْنين
منزل مصايب والله ايعين

منزل مصاب وجن رزايا
اتحوم اعله روحي هالمنايا
وكلهم اشوفنهم ضمايا
وحمره بدماهم هالروايا

صاح القلب ياخوي متشيل
طاح وركد من اختك الحيل
ظامي الدليل ادمومك اتسيل
وشمر وخولي باختك ايعيل
————-
#بنت_الشمري

💔🏴 آجرك الله يا مولانا يا صاحب الزمان 💔🏴


أرشيف نواعي استشهاد شباب الأئمة مولانا باب المراد الإمام محمد #الجواد عليه السلام


https://www.tg-me.com/ليالي الأنين الثانية/com.laeileialanin2/2876

#جديد
#الامام-الجواد
#كوريز
كما في جنّات الخلود : تورّم جسده وكان يقطر جلده شبه الدم ، فلمّا قضى نحبه أمر المعتصم بأن يرموا جسده الشريف من أعلى السطح إلى الأرض ، ومنع الناس أن يحملوه ويشيّعوه ويدفنونه ويدنوا منه ، وبقي جسده ملقى على الأرض أياماً بلا غسل ولا كفن ولا دفن ، وكان يسطع منه رائحة المسك والعنبر ، فلمّا علم المعتصم ذلك خاف الفتنة وخشي الفضيحة أمر بدفنه.»
📚 نور الأبصار للشيخ المازندراني ٢٧٦


اشسوه الجواد وليش مسموم
موّرم تراه ويگطر ادموم
شكواه للواحد القيوم

ذبوه من سطح البنايه
هذا الذي من الله آيه
امام على ايده الهدايه

ابسم العدا دلاله مجروح
ثلاث تيام يا ويلاه مطروح
مثل الحسين المات مذبوح

ثلث تيام ظل فوگ الترايب
بس ما رافچت اخته الغرايب
ولا شافت اهوال ومصايب
گلبي على اخت احسين ذايب
—————
مدري اشراح من همه ولجمات(ولا كم آت)
ودليله اشگد يشيلن هم ولجمات
عليش امن السطح ذبوه ولجمات
بيدينج سگيتيه المنيه
———-
#بنت_الشمري